农历九月初九
（啫系10月17号）
就系中国嘅传统节日——
重阳节！
喺古代，重阳节又有登高嘅风俗
所以也都叫做“登高节”
喺呢一日，大家都会出游赏景、
登高远眺、观赏菊花、遍插茱萸、
食重阳糕、饮菊花酒
▲《九月九日忆山东兄弟》王维
你想请假去感受传统气氛？
想要体验秋高气爽登高乐趣？
问过你上司肯唔肯批假未？
但经过建六编辑部嘅头脑风暴
发现唔放假、唔使钱，
广州人照样可以过好重阳节！
出游实有好风景
重阳节其中一个传统仪式，就系出游赏景。石屎森林嘅独特魅力，就在于可以每日睇到行色匆匆犹如行尸走肉，睡眼惺忪不愿面对未来嘅同类……
而重阳节当日，当然要更加努力感受一下石屎森林下嘅人为风景喇！
正经解释：出游赏景，金秋九月，天高气爽，这个季节最适合出门呼吸新鲜空气，在古代，出门游玩也有“辟邪”一说。
登高全靠脚瓜力
作为一个喺一线城市上班嘅打工仔，登高简直系每日必须经历嘅打卡动作！
所以，我哋倡议：喺重阳节呢一日，各位打工一族，请自觉拒绝乘坐电梯、扶手电梯等永久运输设备，选择更绿色、更环保嘅步行方式：
从公司楼下爬楼梯到公司门口！
喺呢一个节日里面，积极争取感受节日嘅浓重氛围！
正经解释：登高远眺，据《西京杂记》重阳登高也开始于西汉，重阳节前后，天气渐凉，是登山活动的好时辰。自古以来，文人雅士就喜爱重九登高，因此描写重阳登高远眺、欣赏山河美景的诗相当的多。
唔放纸鹞放飞机
重阳节之中，仲有一项男女老少都好值得参与嘅户外活动——放纸鹞。
但我哋打工一族边有可能为咗放纸鹞随随便便请假！就算你老世肯，你嘅银包都唔肯喇！
既然系咁，唯有约啲朋友嚟食饭，一于身体力行，放佢飞机喇！
反正一样都系放，有咩唔放得！
正经解释：放纸鹞，“九月九，风吹满天啸”，就是形容重阳以后，风筝满天飞的情形。由于农历九月以后，台湾季风渐强，而另一方面又天高气爽，正是放风筝的好时节。
赏花赏菊赏王菊
我知道，生活喺石屎森林嘅我哋，见到原生态菊花好难。既然系咁，不如睇下王菊，既然佢都可以做模特去行Show，点解我哋加唔到班？！
记得设置到屏保或桌面，并搭配口诀欣赏，滋味非凡：赏菊王·赏王菊·菊王之王菊，独饮一杯菠萝啤。
正经解释：赏菊花，重阳节正是菊花盛开时节。民间还把农历九月称为“菊月”，在菊花傲霜怒放的重阳节里，观赏菊花成了节日的一项重要内容。清代以后，赏菊之习尤为昌盛，且不限于九月九日，但仍然是重阳节前后最为繁盛。
手起刀落插“猪”萸
虽然话插茱萸已经唔盛行，但我哋可以跟上时代步伐，买个“风筒猪”蛋糕返嚟同自己啲同事砌砌佢！
插猪插猪，当系插咗茱萸喇。
正经解释：插茱萸，古人将茱萸作为驱邪的神物，每逢重阳节，人人佩戴，后世称之为“茱萸会”，或称重阳节为“茱萸节”，现今佩茱萸的习俗已没有了。
登高食糕步步糕
啱啱切好嘅“风筒猪”蛋糕唔好掟，重阳节仲要食重阳糕。
如果你唔鍾意食“风筒猪”蛋糕，广州仲有：萝卜糕、芋头糕，乜糕都有！龟苓膏、马拉糕，应有尽有！
正经解释：吃重阳糕，唐朝及宋朝时，重阳节讲究吃糕，就如同中秋节吃月饼一样，都是应节的食品。因“糕”与“高”同音，古人又相信“百事皆高”的说法，所以重阳节登高的时候吃糕，象征步步登高。
菊花再加威士忌
既然我哋都有菊可以赏，又点少得菊花酒呢！
古人每逢大时大节都鍾意整返两埕，但我哋想要饮自己酿造嘅酒简直系冇可能嘅事！
所以，今晚落班嘅时候，不如点返杯威士忌，加少少菊花瓣落去，当系饮过喇！
正经解释：饮菊花酒，酒是节庆必备的饮料，重阳节是九月九日，九九与菊酒谐音，所以要喝菊花酒。九月已是秋天菊花盛开，故九月又称“菊月”。
相传喝菊花酒能延年益寿，活得长“久”。所以郭元振有诗曰：“辟恶茱萸囊，延年菊花酒”；陶渊明九日诗中也提到：“酒能袪百虑，菊能制颓令。”
其实对于好多后生仔女嚟讲
重阳节确实系一个存在感十分之低嘅节日
毕竟佢唔似中秋节有得放假
又唔似新年有得放假
又唔似清明节有得放假
所以佢嘅存在感低我哋都唔难理解
再加上依家后生仔日日返工加班
已经好辛苦
休息真系只想喺屋企瘫唞下
不过传统节日都离唔开团团圆圆
一齐食返餐饭咁
所以，重阳节嗰日不如早啲落班
同屋企人食餐饭喇！
▲图片来自摄图网，版权归摄图网所有
各位自己友
你哋重阳节会参加边样活动？
你哋屋企仲有啲咩重阳节嘅习俗？
快啲留言同我哋讲下喇~
吖鸭一蚊都系爱！