每年农历个九月初九，是传统个重阳节，又称为登高节，民间还有重九节、茱萸节脱仔菊花节搿能个讲法。
因为《易经》当中啊拿“六”定为阴数，拿“九”定为阳数，九月九号，日月并阳，两九相重，所以呢叫重阳，也叫重九。
重阳节早辣辣战国时期就已经形成了，到了唐代，重阳被正式定为民间个节日，迭个以后呢历朝历代沿袭到今朝。
辣辣年，我伲国家拿每年农历个九月九号定为老人节，传统脱现代巧妙个结合，重阳节又成为尊老、敬老、爱老、助老个老年人个节日。
重阳迭个一天，所有亲人侪要一道登高“避灾”，插茱萸、赏菊花，吃重阳糕。从魏晋南北朝开始重阳个气氛越来越浓，为历代文人墨客个吟咏最多个几个传统节日之一。
菊花，是我伲国家个名花，也是长寿个名花。辣辣“霜降之时，唯此草盛茂”，由于菊花个独特品性，菊花成为生命力个象征。
历来重阳节侪有观赏菊花个风俗，所以辣辣古代个辰光重阳节呢又叫菊花节，人们认为菊花是长寿个象征，重阳节期间啊交关地方侪会得举行菊花大会、菊花展，全城男女老少侪会得出动去赏菊。
从三国魏晋以来，重阳聚会饮酒、赏菊赋诗成为一种风尚。
菊花酒，辣辣古代被看作是重阳必饮、祛灾祈福个“吉祥酒”，因此呢，重阳节一直保留着饮菊花酒个习俗。
菊花酒辣辣古代被看作是延年益寿个长命酒。菊花酒有清热解*、明目祛风、平肝舒肺、益阴滋肾个药用价值。
宋朝个辰光啊人们以菊花、茱萸泡酒，称茱萸为“辟邪翁”，菊花为“延寿客”，认为借迭个二个物事，可以消除“阳九之厄”。现在哦，山东地区啊仍旧有民间童谣：“九月九，九重阳，菊花做酒满缸香”。
重阳最重要个节日活动之一，就是登高。所以呢，重阳节又叫“登高节”。登高所到之处，呒没统一个规定，一般呢是登高山、登高塔。
当然人们登高也不单单是攀登而已，还要观赏山浪向个红叶野花，并且饮酒吃肉，享受一番，使登高脱野宴结合起来，更加有吸引力。
比方像隋朝孙思邈个《千金方·月令》是搿能写个：“重阳日，必以看酒登高远眺，为时宴之游赏，以畅秋志。酒必采茱萸、菊以泛之，即醉而归。”
由于重阳是秋天个节日，节后啊草木开始凋零，所以呢又称迭个重阳节个野游活动为“辞青”，伊脱三月份春游个“踏青”迭个讲法相对应。
重阳个饮食之风，除脱前头所讲到个饮茱萸、菊花酒，吃菊花食品之外，还有交关，迭个当中最有名个呢就是吃糕。
辣辣北方哦，吃重阳糕啊邪气流行。据《西京杂记》记载，汉代个辰光已经有九月九号吃蓬饵迭个风俗，也就是最初个重阳糕。
到了宋代啊，吃重阳糕个风气更加流行了。糕饼个糕脱高低个高是谐音，吃糕呢也是为了取吉祥迭个意思，因此更加受到人们个青睐。
放纸鹞是惠州过重阳节个主要习俗。
纸鹞也就是现在个风筝，五代之前，北方习惯称“纸鸢”，南方呢多数叫“鹞子”，惠州个“纸鹞”个称谓，邪气明显个就是保留了五代以前个古老个名称，而且呢有“南北混合”个味道。
茱萸也是重阳节个重要标志。
茱萸是一种可以做中药个果实，出产辣辣吴地（也就是江浙一带）个茱萸质量最好了。
茱萸是秋后成熟个，果实嫩个辰光啊是*颜色个，成熟了以后变成紫红色个，伊有温中、止痛、理气等功效。
《本草纲目》讲伊气味辛辣芳香，性温热，可以治寒驱*。所以古代辰光个人啊认为佩带茱萸，可以辟邪去灾。
关于重阳节个由来呢有搿能一个传说
讲，东汉个辰光，汝南县有一个叫桓景个人，伊住个地方啊突然发生了大个瘟疫，桓景个父母亲呢也因此生病去世了，所以伊就跑到东南山去拜师学艺，仙人费长房拨了桓景一把青龙剑。桓景每天起早摸黑，披星戴月，勤学苦练。
有一天啊，费长房讲：“九月九号，迭个瘟魔啊又要来了，侬可以回去除害去了。”并且呢还拨了伊茱萸叶子一包，菊花酒一瓶，让伊家乡个父老去登高避祸。
乃末伊就回到自家个家乡，九月九号迭个一天呢，伊就带仔伊个妻子儿女、父老乡亲登上附近个一座高山。拿茱萸个叶子分拨大家带辣身浪向，乃末瘟魔呢就不敢靠近了。又拿菊花酒倒出来，每个人喝了一口，避免感染瘟疫。伊自家呢去脱瘟魔搏斗，最后啊拿瘟魔杀脱了。
为了纪念迭个除魔个日脚，每到九月初九，人们呢就拿茱萸插到高个地方，洒上菊花酒，慢慢叫个，搿能个风俗呢也就流传了下来。
关于重阳节啊还有搿能个谚语
重阳晴，一冬晴；重阳阴，一冬冰。
重阳无雨看立冬，立冬无雨一冬干。
吃了重阳糕，夏衣就打包。
菊花*，*种强；菊花香，*种康；九月九，饮菊酒，人共菊花醉重阳。
又是一年重阳节，辣辣迭个传统个节日里向，勿要忘记陪伴自家个父母亲人长辈，登高望远，吃糕赏菊，品酒言欢。
播音员简介
播讲阿富根老师简介：上海人民广播电台（叶进），“学上海话”